Оқушылардың жетістіктері

5 сәуір күні жаратылыстану бағытындағы пәндер бойынша республикалық жасөсірімдер олимпиадасының қалалық кезеңіне Семей қаласының №7 мектеп-лицейінен 8 оқушы қатысты. Олардың бесеуі жүлдегерлер қатарынан көрінді. Математика пәнінен Асланова Амина І орын, биология пәнінен Серікқалиева Лаззат, Муратова Амина ІІ орын, химия, информатика пәндерінен Темирбаев Темирлан, Тулеубаева Диляра ІІІ орындарды иеленді. Сонымен қатар 9 сәуір күні НЗМ мектебінде өткен Н.Назарбаев атындағы математика пәнінен IV республикалық олимпиададан 5-сынып оқушысы Хайдаров Артем І орын алды. Оқушыларымызға алдағы уақытта да сәттілік  серіктері болсын дегіміз келеді. Білім алушыларды дайындаған Шукыжанова А.С., Арғынов К.О., Файль Г.И., Кураева Г.Н., Жалелова Г.Ж пән мұғалімдеріне шығармашылық табыстар тілейміз.